Aqaide Jafariya ki 4 jildo mein Shia Mazhab ki gustakhiyo ka bayaan hai jo unhone Allah ta'ala, Ambiya -e- kiraam aur Nabiye kareem ﷺ aur Aimma -e- Ahle Bait ki shaan mein ki hain, Aimma -e- Ahle Bait ne shiyo ko kaisi phatkaar lagayi hai is ka bayaan hai, Huzoor ﷺ ki betiyo ke baare mein tehqeeqi bahas ki gayi hai, Shiyo ke imamat ke aqeede ka radd hai, Yazeed ki imamat ke talluq se aitrazaat ke jawabaat hain aur mutlaq imamat ke talluq se aitrazaat ke jawabaat hain, Islam ke kalime aur shiyo ke kalime par bahas hai, Quran mein tehreef par tehqeeqi aur tafseeli bahas hai, nasikh aur mansookh ki bahas hai, Taqiyya ka radd hai, Rasoolullah ﷺ ke janaze par tehqeeqi bahas hai aur baarah imaamo ke baare mein Ahle Sunnat ki kitabo se bayaan hai

Fiqhe Jafariya mein shiyo ki fiqh ki tarikh aur un ke kai fiqhi masail ka radd hai, Nikahe Mutah par tehqeeqi bahas, Hudood par bahas, mukhtalif masail par bahas ki gayi hai, Maatam par tehqeeqi bahas ki gayi hai, Fiqhe Hanafi par shiyo ke aitrazaat ke jawabaat hain, Imame Aazam Abu Hanifa ke manaqib ka bayaan hai, Fiqhe Hanafi ke usool aur juz'iyyaat par aitrazaat ke jawabaat hain aur zimnan kai mauzuaat par bahas ki gayi hai

Tohfa -e- Jafariya mein Hazrate Abu Bakr, Hazrate Umar aur Hazrate Usman radiallaho ta'ala anhum ki khilafat ko Quran se aur shiyo ki kitabo se saabit kiya gaya hai, aur is par aitrazaat ke dandaan shikan jawabaat Quran se aur shiyo ki kitabo se diye gaye hain, Sahaba ke kaamilul imaan aur jannati hone ka bayaan shiyo ki kitabo se tafseeli taur par pesh kiya gaya hai, aisi tafseel aaj tak likhi nahin gayi, Khulafa -e- Salaasa ke Ahle Bait ke saath talluqaat aur nikahe Umme Kulsum par tehqeeqi bahas ki gayi hai, Ahle Bait ke khulafa -e- salaasa par etimaad ko bayaan kiya gaya hai, Hazrate Ameere Muawiya ki shaan mein Ahle Bait ki zabaan ke anwaar ko zaahir kiya gaya hai aur un se khandani talluqaat ko bayaan kiya gaya hai, Ummahaatul Momineen bil khusoos Hazrate Aaisha radiallaho ta'ala anha ke fazail ko bayaan kiya gaya hai, Hazrate Abu Bakr Siddique par shiyo ke aitrazaat ke jawabaat diye gaye hain, Hazrate Umar Faruque par kiye jaane waale aitrazaat ko radd kiya gaya hai, in hazraat ki bargaah mein gustakhiyo ka jawab diya gaya hai, Hazrate Usmane Ghani ki shaan mein ki gayi bakwaas ka radd kiya gaya hai, Hazrate Sayyida Aaisha par lagaye gaye ilzamaat ki tardeed ki gayi hai, Hazrate Talha wa Hazrate Zubair par taano tashnee ka jawaab diya gaya hai, Hazrate Ameere Muawiya par lagaye gaye ilzamaat ka tafseeli jawaab diya gaya hai, Teeno khalifa par kiye gaye taan ka tafseeli jawaab diya gaya hai, Qatle Usman par tafseeli bahas ki gayi hai, kai mashhoor aitrazaat ka jawaab diya gaya hai

Meezanul Kutub mein kai kitabo par aur un ke musannifeen par bahas ki gayi hai, bahas is mas'ale par hai ke wo kitabein ya musannif Ahle Sunnat se the ya nahin, is bahas ki wajah ye hai ke bahut si kitabo ko aur un ke musannifeen ko Ahle Sunnat se bata kar aitrazaat qaaim kiye jaate hain, shiyo ki taraf se is tarah ke aitrazaat kiye jaate hain ke dekho tumhare kitabo mein aisi aisi baat darj hai

Isi tarah ke aitrazaat ko sire se radd karne ke liye waazeh kiya gaya hai ke kai kitabein jinhein Ahle Sunnat ki bataya jaata hai dar asal wo Shiyo ki hain aur un ke likhne waale bhi Shia the ya kam se kam shiyo ki taraf maail the
Kitab ke aakhir mein Waqiyaate Karbala ke talluq se likhi jaane waali kai kitabo ko zere bahas laaya gaya hai aur is talluq se mauzu waqiyaat ki kasrat par raushni daali gayi hai, aakhir mein jhoote waqiyaat ke bayaan par mushtamil mehfilo par Imame Ahle Sunnat, Aala Hazrat rahimahullahu ta'ala ka bayaan pesh kiya gaya hai
Ye mukhtasaran kitabo ka taaruf pesh kiya gaya hai jis se kaafi hadd tak in ki ahmiyat ka andaza ho jaata hai